بالصور.. تفاصيل انهيار مئذنة مسجد "ميت العز" بالدقهلية.. طولها 56 مترا وتسببت فى مصرع مواطن وإصابة 4.. وحطمت 4 منازل و3 محلات
العنوان لوحده كفايه هي فعلا كارثه بكل المقاييس
قله الضمير حتي في بناء دار العباده
انا حزينه ومش عارفه دم اللي مات واللي اتصابوا
في رقبه مين بالظبط
هل يعقل بناء مئذنه بارتفاع 56 متر بدون حديد تسليح
وفي ارض تعتبر زراعيه لا تتحمل كل الارتفاع ده
ولا الموضوع منظره والسلام ومش مهم حياه الناس
دي مبنيه مابقالهاش شهرين يا عالم هي ايه بسكويت؟
وكمان بفلوس تبرعات الناس الغلابه
فين مسئول الحي وفين المحافظ وسكرتيره والمهندسين
اللي ادوا تصاريح بالبناء ولا مفيش ترخيص من الاساس؟!!
للدرجه دي الضماير انعدمت من عند البشر
اتمني محاسبه كل المسئولين عن المهزله دي
ربنا يرحم المتوفي ويصبر اهله
وتمنياتي بالشفاء العاجل لكل اخواتنا المصابين
ويارب تكون اخر الاحزان لشعبنا المغلوب علي امره
لك الله يا مصر
هناك 7 تعليقات:
اذا كنا تؤكد على انه لا دين فى السياسه اتحجيم الأخوان والتيارات المشابهه فيجب ان يحدد دور البابا والكهنه بالمهمه الدينيه فقط دون اى تدخل فى شىء خارج هذا النطاق فهؤلاء الأقباط مصريون يخضعون مثل غيرهم للقانون ...ويجب الا يقبل اى تعليق للبابا او اى كاهن خارج مهمته الدينيه والا يصبح الكيل بمعيارين فالبابا قائد روحى وليس ولا يجب ان يتحول الى زعيم سياسى على اساس طائفى فهذا يتناقض مع الدستور والقانون وتوجه الدوله المدنيه
ومين قال ان البابا له دور سياسى ؟
سورى يا بونيتا بس تعليق الاستاذ عقلانى خلانى استغرب جدا
يلا ما علينا
بتدورى على الضمير ؟
فين ؟
هنا ؟
ههه قولى يارب
وربنا يرحمنا
الي عقلاني
ولو ان تعليقك خارج نطاق موضوعنا لكن اتفق معاك في ان الحل هو فصل الدوله عن الدين .اي دين
ورايي انا ان تدخل الكنيسه او حشرها في قضايا معينه لا يخدم الاقباط كمصريين بل يخدم النظام داخل مصر
لان كتير جدا بتستغل الدوله الكنيسه في الضغط علي الاقباط في تهدئتهم وعدم المطالبه بحقوقهم وده شيء مضايق الاقباط جدا علي عكس ما يتخيل البعض .يجب ان يعامل القبطي المسيحي والقبطي المسلم كمواطنيين مصريين ويبقي دور كل من المسجد والكنيسه دور روحي رعوي لا دخل له بالسياسه ويبقي شعارنا الدين لله والوطن للجميع .
تحياتي لك
Ms Venus
علي رايك يا فينوس شكلي اتجننت قال بسأل علي الضمير ؟
الضمير مات من زمان واندفنت معاه كل القيم الانسانيه الجميله.
تحياتي
يافينوس متهيألي عقلاني يقصد فصل الدين عن الدوله ده اللي انا فهمته
وعلي الاساس ده انا جاوبت
تحياتي
الضمير اللى بتسألى عليه بقى موضه قديمه وعمله ايضا نادره الوجود
ربنا يبارك حياتك
يسلمو
إرسال تعليق