مستعجلين تنكدوا علينا للدرجه دي؟
يــــــــــــــــــــــــــــــــاه
ايه كل الكره والغل اللي في قلوبكم من ناحيتنا ده
ليه احنا عملنالكم ايه علشان كل عيد تنكدوا علينا وتقتلوا شبابنا وترملوا وتيتموا اطفالنا
ومش عاجبكم اللي بتعمله اسرائيل مع الفلسطينين !!
يا كفره انتوا اتفوقتوا عنهم في الارهاب والهمجيه والخسه
منكم لله ذنب كل شاب اتقتل واب مات وماتت معاه فرحه أطفاله
في رقبه كل جبان يشوف الظلم ويحيد عنه
اللي اتقتلوا انهارده دول شهداء ماتوا بكرامتهم مرفوعين الرأس
لانهم وفي وسط تهديدات سابقه بقتلهم ماخافوش وراحوا لكنيستهم علشان يصلوا
لكن الجبناء هما اللي نفذوا الجريمه دي لانهم وبكل جبن وخسه عملوا عملتهم
وهما متخفيين وقتلوا ناس ابرياء اطفال وسيدات وشباب كل جريمتهم انهم مسيحيين
ممكن نعرف جنسيه ومله الكلاب الارهابيين دول ايه ؟
علشان نعرف مين اللي مصري بجد ومين الخاين وقليل الاصل في وسطينا
والخاين مالهوش مكان بينا وان كان عنده انتماء لاي شيء تاني غير مصـــــــــر
فا مش عاوزينه فيها يغور في داهيه ويسيبنا نعيش بسلام مع البشر اللي من نفس طبيعتنا
مش هاقول كان فين الامن لان الاجابه كلنا عارفينها !!
يارب احنا تعبنا بجد ولو ان اللي حصل انهارده كان متوقع لكن الاحساس بالقهر شيء مرعب مخيف
عاوزين رد سريع وقوي من عندك انت يارب لانك قلت "لي النقمه انا اجازي"
ولاني واثقه فيك لابعد مدي بقولك اتصـــــــــرف وبســــــــــرعه وهات لنا حقنا زي ما اتعودنا منك
لان البشر ماتت ضمايرهم ومفيش عندهم عدل او رحمه ؛؛؛؛؛؛؛؛؛
هناك 7 تعليقات:
الداخلية همها تأمين النظام السياسي و بس و سايبيين الارهاب و التطرف فى كل حته مادام بيلهى الناس عن المطالبة بالاصلاحات السياسية...طول ما رأس النظام فاسد ح نفضل فى كده
عايزين رئيس بيحب مصر
...............
تصريحات رئيس المخابرات الاسرائيلى السابق
''''لقد تطور العمل فى مصر حسب الخطط المرسومة منذ عام 1979. فقد أحدثنا اختراقات سياسية وأمنية واقتصادية فى أكثر من موقع، (((( ونجحنا فى تصعيد التوتر والاحتقان الطائفى والاجتماعى لتوليد بيئة متصارعة متوترة دائماً ومنقسمة إلى أكثر من شطر ))))" ~ عاموس يادلين (( رئيس المخابرات العسكرية الإسرائيلية السابق ))...
ياريت نربط ده باعترافات الجاسوس المصرى الاخيرة اللى قال فيها ان اسرائيل بتبث فتاوى متطرفة و تساعد على تغذية الارهاب و بتمولة و الدليل ان القاعدة قتلت من المسلمين و العرب اكثر من غيرهم و لم يحدث ان قاموا بتفجير واحد ضد اسرائيل او يهود
Tears
احتمال برضه
كنت لسه بقول بيقولوا علينا اعباط بدل اقباط يعني اول ما الموضوع يمس النصاري نقول اسرائيل ماهي شماعه خيبتنا التقيله واهو اللي ليه حاجه عند اسرائيل يروح ياخدها لا وام البجاحه انهم بيكدبوا كدب اهبل زييهم وعاوزين اننا نصدقه اومال ايه ما الاعباط مالهمش ديه
ولما تتقتل واحده في المانيا بسبب خلافات سابقه بينها وبين شخص همجي مالهوش مله ولا دين برضه الدنيا تولع وتبقي شهيده ويتم تكريم دفعه كليه الطب باسمها ونقول اصلها حرب شعواء شنعاء ضد العرب والمسلمين
غريب التناقض العبيط ده
المسيحيين بيتم تصفيتهم وفقا لمخطط ارهابي واضح واللي ينكر ده يبقي سوري مش بيشوف بعينيه .وسلملي علي المخطط الصهيوني.
انا اسفة و حزينة و متنكدة
آآآآآآآآآآآآآه
آآآآآآآآآآآآآه والف آه
بقوله بحورقه من جوه قلبى
تعبان قوووى
تعبان وقلبى تعبان
ليه كل ده
ليييه
عيزين مننا ايه
منهم لله حسبى الله ونعم الوكيل
حسبى الله ونعم الوكيل
ربنا ينتقم من كل ظالم
يارب انتقم من كل ظالم
انا عايز حق اعز اصحابى
انا خسرت عشرت عمرى
سمعت صوته وضحكته لاخر مره
وبعدها سمعت خبر موت وصويت وعياط
انا قلبى اللى بيبكى عليه وعلى كل اللى ماتو
ذنبهم ايه
عملو ايه
هما عيزين مننا ايه
حسبى الله ونعم الوكيل
اعز اصحابى يموت والتانى يتصاب
يارب حقهم يارب
انتقم ليهم يارب
يارب الحق من عندك يارب
انته الحق يارب
انته الحق
لا حوله ولا قوه الا بالله
يا اللهى انت تعرف كيف حالى فهل يا سيدى فرجا قريب
احنا مفروض نقدم الشكر لجزارة الدخليه على مجهودها الهايل فى تامين مبارة الاهلى والزمالك و تزوير الانتخابات وعجزها عن تامين الكنايس والمساجد واى دار عباده وطبعا لازم نلتمس لهم العذر يا جماعه الناس برضوا مشغوله فى تزوير الانتخابات
العزيزة بونيتا :
الارهاب لا دين له
ولا نريده بيننا أو داخل حدود وطننا
ما يمس المسلمين يمس الأقباط وما يمس الاقباط يمس المسلمين .
//
تمنياتي بالمغفرة والرحمة للضحايا ووالسلوان لأسرهم
اتمنى قبول العزاء
إرسال تعليق