تهديد جديد للمسيحين من شويه عواطليه وسفاحين بيقولوا علي نفسهم مجاهدين مش فاهمه بأمانه معني الجهاد ده ايه في نظرهم
هو قتل الاطفال وتفتيت جثثهم ده اسمه جهاد؟ طيب وبتجاهد في سبيل مين ولا في سبيل ايه؟
لو بتجاهد في سبيل الله فا لمعلوماتك الله محبه واستحاله يصرح لواحد مجرم يقتل انسان بغض النظر عن ديانته لانه في الاول والاخير خليقته .
وهو الله سبحانه بكل قدرته وجلاله قاعد مستني لما واحد مختل نفسيا ينتقم له من اي انسان؟دا ايه الاله اللي بيتحامي في الخلق ده؟
حاشا لله انه يكون زي مانتوا بتصوروه
الله اللي قال مسرتي في بني الانسان يأمرك بكده!! ايه الجنان الازلي ده الناس دي عقولهم متركبه شمال ولا ايه!!
كل شويه يطلع علينا واحد عامل دماغ ويقوله بيان تهديد للكفار النصاري من اجل تحرير الاسيرات العفيفات
يأخي يقطعك ويقطعهم في ليله واحده
ياعم ماتروح تتنيل علي عينك وتحرر فلسطين وجنوب لبنان وهضبه الجولان من اليهود ولا اليهود قرصتهم والقبر مابيعرفوش يهزروا
ولا المجاهدين امثالك شويه فيران و مش بقدروا غير علي الناس المسالمه
ايه الهم ده ياربي
بقي مش مكسوف انك تقول انكم قتلتوا مئات الابرياء علشان خاطر اتنين ستات
هو خلاص دينك (دا ان كان عندك دين من الاصل) هاينقرض علشان اتنين نسوان
ايه الغباء المدمر ده
هو بالعافيه ياعم انت ماقولنا انهم مسيحيات والست طلعت وقالتلكم غوروا في داهيه وابعدوا عن حياتي الشخصيه
هو فيه اييييه انتوا شياطين متحركه
ماخلاص هو فيلم لموا نفسكم شويه .. قرفتونا في عيشتنا البلد مش ناقصاكم
هناك تعليقان (2):
مش بنخاف ولا هنخاف
طب ياريت كلنا بنتمنى نبقى معاهم شهداء
فينوس
البوست ده بالتحديد لكل اللي بيقولوا مخطط خارجي واسرائيل وعزرائيل وكوالالمبور علشان يتوهوا الحقيقه علي اساس اننا داقين عصافير :)
اكيد مش بنخاف ولا هانخاف لان الهنا اله السلام قالنا لا تخافوا ممن يقتلون الجسد و حتي لو هايكون لنا ضيق في العالم لكن ثقتنا ان مسيحنا غلب العالم والشيطان تحت اقدامنا جميعا هاننزل نصلي كلنا ليله 6 يناير وهانكون مستعدين للقاء مسيحنا اللي علي اسمه دعينا
لان دمنا مش هايكون اغلي من دمه اللي بذله لاجلنا ومش عاوزين حد ينزل معانا ولا يحمينا ربنا موجود ووحده قادر يحمينا وان سمح بشيء فاكيد للخير لان كل الاشياء تعمل معا للخير للذين يحبون الله واحنا واثقين ان الهنا حي وصادق وامين
هانروح الكنيسه وهانمشي ونقول للجبناء احنا هنا تعالوا اقتلونا علشان العالم كله يشوف ويعرف حقيقتهم القذره .
احبـك ربـي يســــــــوع .
وليس لي سـواك.
إرسال تعليق