بملـــــــــيون راجل
انا دموعي نزلت لما شوفتها وكان نفسي اكون موجوده هناك معاهم
علشان اشكرها واقولها
ايوه انتي ست وبعض المتخلفين مش بيعترفوا بيكي
لكن انتي بمليوووووووووون رااجل
من اللي شايفين ظلم اخواتهم في الوطن وساكتين
سواء موافـقهً او خجلاً او خوفاً
بعد ما شوفتك حسيت ان مصر لسه بخير
ورغم ان في اصوات شؤم بتنعق في مصر
لكن لا خوف عليها طالما فيها شرفاء مثلك
تحياتي لك سيدتي ولكل انسان مصري صاحب ضمير .
هناك 4 تعليقات:
الأخت العزيزة والغاليه / بونى
الحمد لله ... بلدنا أخى الغالية زى ما فيها الوحش فيها الكويس ... وأنا متفائل خير فى الأيام الجايه وعندى أمل كبير فى الله .
إحنا نسيج واحد وشعب واحد ولا ح يهزنا إرهاب ولا شويه جهلة ولا حاقدين .
ألف شكر على الطرح ودمتى بكل الود.
تحياتى
أخوك / تامر
Days and Nights
اخي المصري المحترم بشكرك علي شعورك الطيب ونتمني جميعا ان الايام الجايه تكون افضل لمصر و لكل المصريين .
ولا شكر علي واجب ده واجبي اني اعترف بشجاعه شابه مصريه اصيله جميله بتحاول انها تطالب بحقوق اخواتها في الوطن من الاقباط في وقت بتتعمد فيه كل وسائل الإعلام المصريه الفاشله التعتيم كما تعودنا منهم بعد كل حادث يخص الاقباط.
وانا مدينه بشكر خاص لشاب مصري مسلم(ملتحي)انا بنفسي شوفته علي قناه مسيحيه في لقاء مباشر من ماسبيرو بجد حاجه تفرح القلب الشاب بكل جرأه قال انه يرفض ان تهدم كنيسه لان دي ابسط حقوق حريه العباده وان المسيحي والمسلم يد واحده فعلا انسان رائع(اتمني الاقي الفيديو ده علي اليوتيوب) وانا بشكره جدا جدا وبقول يارب احميه هو وكل انسان مصري أصيل صاحب ضمير ..
تحياتي لك يا تامر
دايما منورني بحضورك الجميل
انا كنت بشوف اللى بيحصل وقلبى بيتحرق
عموما فى اصوات كتير رافضه للظلم اللى بيحصل وانا امبارح سمعت ماكلمة للرويلى ومايكل منير على قناة الحياة الرويلى وعد بتنفيض كل المطالب
امتا بقى نبقى مصريين مفيش حاجه اسمها مسلم ومسيحى
Desert cat
يا ريت يا قطه تعملي بوست عندك عن الموضوع ده لان مدونتك صوتها مسموع وفي ناس كتيره محتاجه تعرف الموضوع من مصادر محايده زيك واتمني معاكي اننا نتقدم بنفسنا ونتعامل علي اساس اننا كلنا مصريين ونبطل لهجه مسلم ومسيحي دي لانها بقت بايخه وماسخه كمان.
نورتيني يا جميله
تحياتي
إرسال تعليق