دي صوره الكلبه لايكا اللي الناس المحترمين جداااا عاملين مشكله مع اصحابها الاقباط :))
وتم تهديد صاحب الكلبه الدكتور / الفي عزمي بدبح ((بنته الصغيره)) دا غير الادب الجم اللي اتعودنا عليه من اشباه البشر في سب الصليب والمسيحيين .
اه بامانه مختل نفسيا وعقليا وذهنيا
عنده تخــــــولوف بعيد عن السامعين واللي مش سامعين حتي
وبصراحه انا اول ما سمعت وقاحته وقله ادبه في الكلام
ماقولتــــــــش غير
الحمـد لله علي نعــــمه الادب والاخــلاق
:))
هناك 16 تعليقًا:
هههههههههه ، حلوة الكلبة لايكة دى
بصى يا بونيا ، هو أنا مش عارف أقولك أيه بصراحة
علشان كدة متبصيش :)
أنا مش عاوز أجج فتنة ولا حاجة ، بس أنا بقول يشوفوا كلاب المسلمين الأول ، وبعدما يمنعوا المسلمين من تربية الكلاب ، أتعهدلهم أنا بابعاد الكلاب عن جنس البشر .
عارفة : أنا مازلت أعتقد أن العصفورية هيا الحل :):):)
تحياتى .
هههههه
سمعت عن الحكاية دى
وحكايات تانية كتير
معلش يا بونى
ربنا يشفى
محب روفائيل
معاك حق صحيح هما مش بيتفالحوا غير علي المسيحيين وكلاب المسيحيين ولا ايه؟
قال يعني المسلميين مش بيربوا كلاب في بيوتهم؟
انا اصحابي المسلمين عندهم كلاب وقطط وسلاحف كمان ومفيش التوخولف ده عندهم بصراحه وانا كان عندي كلب وربنا افتكره وبحب الحيوانات موت ايه المشكله يعني؟
فعلا العصفوريه هي الحل ..
ألا ايه العصفوريه دي يا محب؟
من لسان العصفور يعني ولا ايييييه ؟
ههههههههههههههههههه
نورتني يا جميل
فينوسه
ربنا هايشفي مين ولا مين ؟
دا ربنا هايولع في الاشكال الزباله دي بجاز وسخ ان شاء الله بسبب سبهم للدين
ربنا يشفي
تحياتي فينوس
بونيتا ، صباح الفل
العصفورية معناها فى سوريا ولبنان مستشفى المجانين ، اللهم احفظنا :)
شكرا ، وتحياتى :)
:):):)
بونى
أنا جاى اطمن عليكى واسلم
عامله ايه يارب تكونى بخير
وبعدين شفت الفديو ده ياستى ده مش سلفى ولا بتاع ده واحد بلطجى عايز ميت جزمه على دماغ امه
والله يابونى عايز اقولك حاجه مهمه
بواقى الزباله اللى فى النظام القديم دى اخر عصايه بيتسندو عليها وقيعه بين كل حد واى حد
مش بين مسلمين ومسحيين بتسجيلات متفبركه بان مش عارف مين بيهدد المسحين وسلفيين وسونين ووووو
دول كمان حولو يعملو وقيعه بين المسلمين نفسهم
ان مش عارف مين بيحرق الادرحه وبيحرم الصلاه فيها
ومش عارف مين بيهدد الاخوان ومش عارف ايه
والله بيوقعو كله فى كله
ربنا يارب يهدى ويعدى الايام دى على خير ويعدمو ابن الكلب السفاح ده ونقطع راس الافعه بقى ونخلص
سيبك انتى المهم انك تكونى بخير
وسامحينى انى بقالى مده مش متابع
بس والله انتى اول حد اعلق عنده
ابقى طمنينى عليكى
تقبلى تحياتى
محمد التركى
محب روفائيل
شكرا علي المعلومه يا محب
معلش اختك ضعيفه حبتين في اللغه اللبنانيه والسوريه :))
هههههههههههه
تحياتي لك
محمد التركي
ابو حمــيد يا عسل
ازيك يا محمد عامل ايه؟ انت فين يابني؟
ربنا يخليك علي سؤالك عني فيك الخير يا محمد ..
انا بخير الحمد لله وعايشه في الدنيا الغريبه دي ..
المصيبه يا محمد ان الناس البلطجيه دول بيمارسوا بلطجيتهم وبيستغلوا الدين أسوأ استغلال سواء علي المسيحي او المسلم المعتدل .
انا طبعا عارفه انه مش بيمثل المسلمين ولكنه للاسف مسلم ومحسوب بني ادم بالكدب مع انه حيوان وانا متأكده انه لو اتخانق مع واحد مسلم زيه برضه هايسب له الدين برضه :((
بس المشكله ان الاصناف دي كترت قوي في بلدنا وتصرفاتهم دي بتعمل كوارث صدقني
وللاسف مفيش اي رادع ليهم تتخيل ان في القسم الظباط قالوا للدكتور معلش وابقي سرب الكلبه علشان العربجي ده يسكت؟ يعني ايه !!
المهم بقي
حكايه السفاح الكبير واعدامه والكلام ده انا مش معاه عارف ليه يا محمد ؟
لان الموضوع اكبر بكتير من شخص مبارك لان دي مصيبه شعب بحاله ..
كلنا مسئولين عن اللي حصل ولسه بيحصل في البلد يعني مبارك بقاله شهرين مفارق هل تفتكر ان برحيله خلاص كده البلد حالها اتصلح؟ لا ومش هايتصلح لان الناس محتاجه تتغير من جواها الاول وبصراحه انا شايفه ان فيه ناس عاجبها التسيب والفوضي وجت علي مزاجهم لانهم اساسا مالهمش في الالتزام والكلام ده..
انا مش ضد ان اي انسان اخطأ ياخد جزاءه ولكن من غير اهانه وتجريح وشماته يعني انا بختلف مع مبارك في سياساته ونظامه لكن ضد اهانته هو او اي شخص غيره ..
عارف يا محمد اول ايام الثوره انا شفت فيديو والامن بيسحل راجل عرفت انه صحفي ومن الاخوان وعلي الرغم من اني مش مع افكارهم لكن صدقني انا حسيت باهانه شخصيه لما شوفته بيتعمل فيه كده وحطيت نفسي مكان بنته مثلا وايه هايكون احساسها وهي بتشوف ابوها بيتجر في الشارع بالطريقه دي ..فا اختلافنا علي اسلوب او فكر شخص ده مش معناه اننا نفرح فيه ونتمني له الشر ..يارب اكون قدرت اوصل فكرتي صح المره دي
ويارب يا محمد الامور تهدي واتمني اشوف مصر احلي واجمل بلد في الدنيا
دا ازا احنا عاوزينها تبقي كده
اكيد ها نقدر نرجعها تاني ام الدنيا
تحياتي يابو حميد
ودايما مشرفني بحضورك الرائع .
ادب ايه ده اللى بتتكلمى عليه ده يا اوختشى هى الكلمة دى لسه موجودة عند المصريين الغير محترمين
Desert cat
علي رايك يا قطه ادب ايه اللي انا جايه أقول عليييييه ؟!!
واضح اني كبرت وبديت اخرف
:((
نورتي يا قمر
تحياتي
كل سنة وانتى طيبة يا بونى
كل سنة وانتي طيبة بنوتة
ادب !!!!
ده كان زماااااااااااااااان
فينوس
وانتي طيبه يا حبيبتي
صحيح بعد العيد بشهر بس معلش مش تزعلي مني حقك عليا.
استاذ حسام
ميرسي وانت كمان طيب وكل الناس بخير وسلام
شكرا علي المعايده الجميله واعتذر عن تأخيري في الرد
مرمر
فعلا يا مرمر ده كان زمان وخلص
ربنا يسترها علي بلدنا ويعدي الايام الكوحلي دي علي خييييير .
نورتيني يا قمر
إرسال تعليق